|
|
|
|
Teny iditra1 Dieny mbola velona aho
Singan-teny  2dieny, 3mbola, 4velona, 5aho
Sokajin-teny  6 anarana (lohatenin-tononkalo) [Fitanisana]
Voambolana  7 Haisoratra: tononkalo
Mpanoratra  8Rakotomalala-Rabarijaona Louis
Lahatsiratra manontolo  9 Dieny mbola velona aho k'eto an-tany ny fanahiko,
10 Dia izao no voady masina tsy maintsy tanterahiko:
11 Ny fitiavana an'i Madagasikara tanindrazako
12 Sy ny Gasy manontolo rehareha sady lazako.

13 Dieny mbola velona aho ka mijoro koa ny vatako,
14 Dia ity no foto-kevitra tsy maintsy hosoratako:
15 Gasikarako malala dia voasokitra ao anatiko,
16 Hatr'izay nisiako'zany ka ho mandra-pahafatiko.

17 Dieny mbola velona aho ka ny masoko mihiratra,
18 Dia iriko ny hanondrotra ny Gasy mba hamiratra,
19 Ary 'zao no ventin-kevitra sy voady tena mamiko:
20 Ny handray ny Malagasy mba hitovy hevitra amiko.

21 Dieny mbola velona aho ka milamina ny fiainako,
22 Dia i Madagasikara no ao anatin'ny fisainako:
23 Io 'lay Nosiko malala'zay akany nahafoizana,
24 Ka ny hampisondrotra azy no kendreko hotohizana.

25 Eny, maty aza aho ka hikatona ny fasako,
26 Moa tsy Madagasikara ve no tsangambato' asako ?
27 Dia i Madagasikara Nosy mamy fikirizana,
28 Ka tsy levona ao am-poko fa natao fitehirizana.

29 Dieny mbola velona aho k'eto an-tany ny fanahiko,
30 Dia izao no voady masina tsy maintsy tanterahiko:
31 Ny fitiavana an'i Madagasikara tanindrazako
32 Sy ny Gasy manontolo rehareha sady lazako.
Nohavaozina tamin' ny 2025/09/13